Koi hai jo har waqt sataati hai

Koi hai jo har waqt sataati hai,
Kabhi yaad, toh kabhi sapna bankar rulaati hai,
Chhod gayi raaston mein akela mujhko,
Mere saamane, gairon ke naam se chidaati hai..

Koi ummeed nahin thi usse paane ki,
Fir bhi Ishq ki yeh raah uski gali le jaati hai,
Kabhi dhun si, kabhi saaz si ye khamoshi,
Ussi ki hasi kaanon mein gungunaati hai..

Karta hoon haal-e-Dil jo mera usse,
Khamoshi se kuch aur bayaan kar jaati hai,
Keh do usse koi, maine Mohabbat usse ki hai,
Phir kyun mere Pyaar ko itna aazmaati hai..

Usko maaloom hai ki sirf usko hi be-intehaan chaahane ki zidd hai meri,
Jaane kyun duniya se ghabraa kar ek zidd pe ad jaati hai,
Koi toh keh do ki laut aaye Dil ko mere,
Ek uske hi sang meri har Zindagi ki khwaish hai..
The Demon Prince...

Agar main kahun ki meri Zaroorat ho tum

Agar main kahun ki meri Zaroorat ho tum,
Dil ki gehrai ko choo gayi jo, wo soorat ho tum,
Rab ki taraashi wo Nek aur Pyaari moorat ho tum,
Mera Ishq, meri Ibaadat aur Mohabbat ho tum..

Koi aayat nahin, Koi kalma nahin,
Bas tera hi zikr karta hoon Rab se,
Ek tera hi naam rehta hai labb pe,
Ek tujhe paane main, dua ki guzaarish karta hoon sab se..

Meri har khushi ko Rab ne samaaya hai tujh mein,
Meri mannaton ka jaise sarmaaya hai tujh mein,
Ya Khuda, khair kar, reham kar meri Pari par,
Na nazar lage meri Pari ko kissi ki jahaan mein..

Pariyon se bhi Pyaari banaaya hai usko,
Pariyon si maasoomiyat se nawaaza hai usko,
Koi keh toh de usko ki wo meri hai,
Mere liye hi Rab ne banaaya hai usko..
The Demon Prince...

Mujhme tadap hai bahut tujhe paane ki

Mujhme tadap hai bahut tujhe paane ki,
Ek teri Zidd hai mujhe sataane ki,
Tu aaye ya na aaye laut kar zindagi mein mere,
Meri har hasrat hai tujhe manaane ki..

Root kar mujhse yun sazaa na de,
Hai haalat ab meri jaan jaane ki,
Tujhse jo khushiyaan thi meri,
Hui hai surat jaise aansun bahaane ki..

Har funkaar ki koshish hai bekaar,
Bas tujhme hai wo jaadu mere muskuraane ki,
Meri Khushi, meri hasi bas tujhse hai,
Tu hi hai Zindagi iss Deewaane ki..
The Demon Prince...

Muskura leta hoon main duur se

Muskura leta hoon main duur se,
Koi paas se aankhon ki nami na dekh le,
Hai dard Dil ki gehraiyon mein kitna kissi ke jaane ka,
Mehsoos hoti hai jo mujhe, wo kamie na dekh le..
The Demon Prince...

Ek Rab hai mera, Duuji tu hai

Ek Rab hai mera, Duuji tu hai,
Rab hai mera Gulshan, tu khushboo hai,
Meri Zindagi mein likh de tera saath wo Rab,
Bas Tu hi meri, Rab se aarzoo hai..
The Demon Prince...

Hum Pyaar mein tere Hain

Hum Pyaar mein tere hain,
Hum intezaar mein tere hain,
Itni mannate hai maangi tujhe apna banaane ki Khuda se,
Ki tum khud kahogi kissi din mujhse, ki aap mere hain..
The Demon Prince...

Ae Chaand

Ae chaand, dheemi chaandni se mere yaar ki raat sawaar de,
Ae baadal, halki si baarish se thandak ka ehsaas de,
Ae Hawa tu tez na chal, koi aahat na kar,
Soyega mera yaar, usko pariyon ka dulhaar aur laad-o-Pyaar de..
The Demon Prince...

Ek Pari thi jo Meri kho gayi

Ek Pari thi jo meri kho gayi,

Mere aansuon mein mujhko bhigo gayi,

Udd gayi chhod ke saath mera duniya mein,

Jaane kyun darr se wo khudko dubo gayi..

Kaise bataun kitna chaahata hoon main usko,

Kaise bataun kitna rota hoon main bin uske,

Har ghadi, har lamha rehti hai yaadon mein mere,

Jitna Bhoolana chaahoon utna tadpaati hai uski yaadein mujhko..

Yaa Khuda, ek khushi thi meri wo,

Jisko samjha tha bas meri, thi Pari wo,

Bin uske kuch bhi na bhaaye iss Dil ko ab,

Lauta de mere Khuda, meri Pari mujhko..

Na samajh tune sataaya tha mujhko bahut,

Ek khataa humse bhi hui ki tujhko rulaaya bahut,

Tujhse duur rehke rota rahun, Sazaa aisi bhi na de,

Main jhoota nahin tha, na hoon tere liye, bas ki hai maine Mohabbat tujhko..

The Demon Prince...

Haste, Gungunaate hue tha Main

Haste, Gungunaate hue tha main, jaane kisne chaaha ki mujhko fikr lag jaaye,
Kissi ne shaayad baddua di hogi, ki mujhko Ishq ho jaaye..
The Demon Prince...