Mann kar raha hai ki usko zor se gale lagaun

Mann kar raha hai ki usko zor se gale lagaun,
Aur bas choomta rahun,
Karun Khuda se guzarish uss waqt,
Ki Uss pal ko yuhin rok de,
Ya mujhe uske saath patthar banaa de,
Aur Qayamat tak wo mujhse judaa na ho..

Ye khwaish meri khwaish hi reh gayi,
maine ki jo chaahat to iss Dil ki tabaahi ho gayi,
Agar samajhta Khuda meri tadap ko,
Toh karta na usko mujhse judaa,
Dil todna hi mera tha maqsat Khuda ka,
Toh kuch pal hasne kyun diya..

Kya samjhaun kissiko kyun hasta hoon main,
Paagal hua hai ye Dil, Ya gham chupaata hoon main,
Rotaa bhi hoon toh muskuraata hoon main,
Apni Chaahat mein dekho kaisi sazaa paa raha hoon main..
The Demon Prince...

Tootein hain har hasrat mere Dil ke

Tootein hain har hasrat mere Dil ke,
Toota hai har sheesha mere sapnon ka,
Lahoo bhi ab behta hai ashq banke mere Dil se,
Aks bhi, parchai bhi, chal diye chod ke tanha, sang mujhe andhyare ke..
The Demon Prince...

Aaya tha ek toofan mere Zindagi mein

Aaya tha ek toofan mere Zindagi mein ki bikher gaya mere khwabon ke shehar ko,
Pata na chala ki kab hui thi Mohabbat aur kab yun toota ye Dil..
The Demon Prince..

Mere har sapne ki shuruwat hoti hai tujhse

Mere har sapne ki shuruwat hoti hai tujhse,
Har aarzoo mere Dil ki khatm hoti hai tujhpe,
Hai Dil ki tamanna tujhe paani ki kaise bataun,
Hai kya meri tadap, meri ibaadat tere liye, kaise bataun,
Ab iss tootate Dil ko tere Mohabbat se kaise Bachaun..
The Demon Prince...

Sabr ka mere khuda bhi le raha hai imtehaan

Sabr ka mere khuda bhi le raha hai imtehaan,
Deke Zeher tanhai ka, le raha hai wo meri jaan..
The Demon Prince...

Seene mein hai mere ye dard kaisa

Seene mein hai mere ye dard kaisa,
Dil mein jo tere liye hai tadap kaisa,
Naa jaanu kyun chaahun main itna tujhe,
Ek lamha bhi na sochun tujhe, na pal koi hoga aisa..

Har lamha hota hai intezaar tere mulaqat ka,
Taqta hai Dil tujhse kehne, apni mohabbat ki baat ka,
Hai maalum mujhe na aayega pal aisa koi,
Bikhar jayega jo sajaya tha maine, sapnon ka ye aashiyana pyaar ka..
The Demon Prince...

Khole the Dil ke darwaze maine

Khole the Dil ke darwaze maine,
Ki dastak diya kissi ne Mohabbat se darwaze par,
Aakar mere Dil mein, bas kar mere khwabon par,
Jaa rahein hain chod ke,
Maar ke patthar, sheeshe Dil ke aashiyane par..

Toda toh bhi kya toda Dil ko Usne,
Anjaan hai wo ki toota hai Dil mera,
Naadan ko ye maalum nahin ab talak,
Ki bheega hai apne aansuon mein ye anjaana..
The Demon Prince..

Kaash koi mere nazron se meri kahaani pad leti

Kaash koi mere nazron se meri kahaani padd leti,
Hai ishq ki ibaadat kitni bin kahe samajh leti,
Jisko main chahoon, hai bekhabar meri mohabbat se,
Darr hai ki keh dun agar, toh ho khafa wo meri mohabbat se...
The Demon Prince...

Phoolon ke baagon mein hai nanhi kali

Phoolon ke baagon mein hai nanhi kali,
Jisko apni khubi maalum nahin,
Mehka ke poore gulistan ko wo,
Dhoondti hai khushboo ki raahein kahin..

Chanchal, Chulbuli, Sharaarati hai wo,
Uski ye masti na khoye kabhi,
Naadaan, Nanhi, Maasoom si,
Na Chuna koi isko, ye hai nanhi Pari...
The Demon Prince...

Kaash mere liye bhi koi bani hoti

Kaash mere liye bhi koi bani hoti,
Yun Udaas na meri Zindagi hoti,
Kya kahun kitne tanha hai hum,
Kaash meri hasi, Dilse bhi kabhi poori hoti...
The Demon Prince...

Teri muskurahat se khush hota hai Dil

Teri muskurahat se khush hota hai Dil,
Teri udaasi se harpal yun rota hai Dil,
Hai Mohabbat kitni tujhse kaise bataun,
Hai chaahat kitni tere liye ye kaise jataun..

Jaane sahunga main kaise judai teri,
Jaane rahunga main kaise bin aahat teri,
Tere bin har khushi meri adhuri hai,
Tere bin Zindagi bhi na poori hai..

Meri har Khushi ki wajah hai tu,
Meri har hasi ki wajah hai tu,
Meri Zindagi ki bas tu hi hai tamanna,
Mar jayega ye Dil, jeeke bin tere tanha..

Gar Khuda pooche meri ilteja kya hai,
Na maangu main tujhko, par maangu khushi teri,
Umr bhar na guzre tu kabhi kissi gham ki shehar,
Uss gham ke badle chhahe Zindagi kam ho Meri...
The Demon Prince...

Aarzoo ye nahin ki tum meri ban jao

Aarzoo ye nahin ki tum meri ban jao,
Aarzoo ye hai ki tum jiski bhi banke raho,
Wo tumhe mujhse zyada Pyaar de,
Dil toh royega tumse bichadne ke gham mein,
Par khush hoga Dil bahut, teri ek Muskurahat se..

Meri duwa mein, teri khushi rahegi,
Har taklief teri, meri rahegi,
Milna toh Muqaddar mein hai nahin tuhjse,
Par har dhadkan ko mere, hamesha intezaar teri rahegi...
The Demon Prince...

I Love the innocence of your Loving Heart

I Love the innocence of your Loving Heart,
I Love the Sweet fragrance of your soothing Soul,
Never let the brightness of your innocence shade,
Never let your sweet fragrance of Soul to fade..

I don't want You to look dashing good,
Because I don't want you to be touched by any serpents hood,
Because, I Love the way You are,
And I Love You still being so far..

I just want to see you always with smiles,
If for your smile, I have to go, I will go away million miles,
And I know, I cannot seek you for myself for life,
But I still Love you, what if I cannot seek you as my wife...
The Demon Prince...

Ab mujhe pyaar ki koi aarzoo nahin

Ab mujhe pyaar ki koi aarzoo nahin,
Haara hoon apni chaahat mein, har waqt main tanha...
The Demon Prince...

Kyun roota hai yoon rab muhse

Kyun roota hai yoon rab muhse,
Kyun milwaya usne mujhko tujhse,
Ab chaahat main apni kya bataun tere liye,
Tu hui hai gair, par hai ab mujhe Mohabbat tujhse...
The Demon Prince...

Mujhe apne haal par jeene do ab

Mujhe apne haal par jeene do ab,
Toota hoon main najaanu kaise,
Chhahein hai baadal zindagi mein udaasi ke,
Aur chahein hain har taraf mere, tanhai ke andhere...

Kuch pal hasaakar mujhko duniya ne zaalim,
Umr bhar rone ki dava pilakar, tanha tadpaya hai aise,
Ab rootein hai sab, aur roota hai rab bhi kuch aise,
Ki chhoota hoon phool bhi, par kaantein hi chubte ho jaise...
The Demon Prince...

Chaahane waale honge bahut tere duniya mein

Chaahane waale honge bahut tere duniya mein,
Mujhsa bhi koi Deewana tera ho toh batlaana,
Rokunga nahin main tujhe, jo jaogi muhh pher ke,
Hasskar jalta rahega bin tere umr bhar ye parwana..

Koi shikwa nahin tujhse, tere yun bichad jaane ka mujhse,
ogi jo baarish Dil mein ashqonki, ki mushkil hai ab iska tham jaana,
Ho agar ehsaas meri Mohabbat ka Zindagi mein kabhi,
Umr bhar takta rahunga, jab bhi ho tum laut aana...
The Demon Prince...

Mohabbat aur Jung mein Jo ho, Jayiz ho...

Duniya kehti hai,
Mohabbat aur Jung mein sab Jayiz Hai...
(Everything is fair in Love & War)

Mera kehna hai,
Mohabbat aur Jung mein Jo ho, Jayiz ho...
(Everything in Love & War, Be Fair)

Itna yakeen hai ki bhool jaogi tum mujhe

Itna yakeen hai ki bhool jaogi tum mujhe,
Karke itni baatein rulaogi bahut tum mujhe,
Jaana hai tumko, na rokunga main tumhe,
Tadap ke teri yaadon mein yuhin rehna hoga bin tere...
The Demon Prince...

Fir se chupna hai mujhe andheron mein kahin

Fir se chupna hai mujhe andheron mein kahin,
Nikla tha main baahar karne main dosti,
Pigalne lagta hoon main moam ki tarha,
Jab jata hoon main bachane kissi diye ko,
Jalakar apna hi Dil chupa leta hoon dard seene mein...
The Demon Prince...
Its Time to hide Myself Back...
The Demon is Tired of Good...

Faasle banaake rakhta hoon har shaqs se itna

Faasle banaake rakhta hoon har shaqs se itna,
Ki kahin toot na jaun main unke chale jaane par,
Darta hai Dil bahut, kissi ko shaamil karne iss Zindagi mein itna,
Ki kahin chutt na jaye koi, tanha chhod ke mujhe Mohabbat ke angaaron par...
The Demon Prince...

Cheekh kar dil kehta hai tumhe ki meri banjao

Cheekh kar dil kehta hai tumhe ki meri banjao,
Par khamosh rehti hai zubaan ki tum root ke na chali jao,
Mushkil hai keh paana Mohabbat mein Dil ki baat,
Mere likhe alfaaz ko kaash tum samajh jao...
The Demon Prince...

Main toh kab ka marr chuka hoon

Main toh kab ka marr chuka hoon,
Zinda hai ye Jism mera,
Ki koi phir apni Mohabbat se,
Jeene ki nayi wajah de dein...
The Demon Prince...

Logon ne sehna seekha hai

Logon ne sehna seekha hai,
Har haal mein jeena seekha hai,
Na josh, na talab ab rahi kissi mein,
Bas ghut ghut ke marna seekha hai..

hum toh sar fire hain,
Junoon hai Mohabbat ka,
Khud jale agar pyaar mein,
Toh Duniya ko bhi jalaa dein...
The Demon Prince...

Poori kayanaath mein tujhe dhoond kar

Poori kayanaath mein tujhe dhoond kar,
tujhe paane main zameen pe aaya,
Dhoond dhoond kar tera basera,
Tu banegi meri iss yakeen se aaya,
Dekh kar tera aks mustaqbil ke aaine mein,
Tera ye deewana fakir banke aaya,
Mere liye hi banaya khuda ne tujhko,
Meri hi saawariyan hai tu,
Bas tu hi hai meri Mohabbat ka saaya...
The Demon Prince...

Ae dost banja humsafar meri tu

Ae dost banja humsafar meri tu,
Na jod kissi aur rishtey meinm
Banja Humkadam meri tu,
Na duhai de bewajah usoolon ki,
Main hoon tanha ab bhi, ki hoja ab meri tu,
Aaja lagja gale, ae Dilbar mere,
Keh de ki hai ab meri tu..

Ishq ki raahon pe chalke,
Chube hain kaante pairon mein,
Tujhe samete apne baahon mein,
Le jaun gar chale tu sang,
Paar kar har mushkilien..

Ab toh tu yun maan bhi jaa,
Keh de sabko alvida,
Bas tu sang mere chal,
Thaame muhko sang gale chal,
Banke dulhan tu meri,
Ghulja ab rang mein Mere tu...
The Demon Prince...

Kyun rota hoon main tanha chalte chalte

Kyun rota hoon main tanha chalte chalte,
Kyun sambhalta nahin Dil jo yun machalke,
Kya aahat sunu main khud sannaton ki,
Kya chahat main samjhun jalte parwanon ki,
Hai meri tadap kya, kaise kisko bataun,
Hai kahan basera, kis gali main jaun..
The Demon Prince...

Thak gaya main Duniya mein

Thak gaya main Duniya mein,
Ab neend ki gunjaish hai,
Aasra nahin hai koi Pyaar ka,
Bas tanhaayi hi paayi hai...
The Demon Prince...

Itne Khushnaseeb Hum nahin ki taare meri marzi se toote

Itne Khushnaseeb Hum nahin ki taare meri marzi se toote,
Yahaan toh kuch kehne ki der hai ki sab Humse roote,
Ab Falak ki Ummeed kya kare jab Zameen Hi Apni na ho,
Gair toh khair Gair hain, Yahaan toh apne bhi Chhute...
The Demon Prince...

Jaana hai kahin duur Duniya ke bheed se

Jaana hai kahin duur Duniya ke bheed se,
Nahin bandhna hai riston ki Zanjeer se,
Ye Mehfil duniya ki raas nahin aati mujhe,
Bas ladna hai tanha apni taqdeer se...
The Demon Prince...

Jaane kyun tanhaiyon mein jal raha hai ye Dil

Jaane kyun tanhaiyon mein jal raha hai ye Dil,
Jaane kiske liye yun machal raha hai ye Dil,
Dhoondo zaraa dekho kahaan hai wo pari,
jiske liye betaab hai ye Dil, Jo hai Meri Zindagi...
The Demon Prince...

Jo na chahata hai ye Dil kabhi, ussi ke hone ke hadd par hai

Jo na chahata hai ye Dil kabhi, ussi ke hone ke hadd par hai,
Inkaar-e-Mohabbat se ab, Ikraar ke Zidd par hai,
Main toh wo bhawra hoon jo samundar mein phool ki talaash karta hai,
Wahan bhi ab phool khilne ki gunjaish si hai.

Phool jo nazar aa raha hai mujhe, aankhon ka dhoka hai ya haqeeqat hai,
Wo aa gayi samundar mein, ya main khincha ja raha hoon zameen pe,
Koi toh samjhaaye ki ye kya hai,
Main Udd raha hoon falak pe, ya so raha hoon zameen pe...
The Demon Prince...

Kashmakash mein hai Dil, ki Pyaar hai unse

Kashmakash mein hai Dil, ki Pyaar hai unse,
Par issi Dil ke kissi kone mein inkaar bhi hai Unse,

Pyaar aur inkaar ke beech mein aise ghira hoon,
Tadap raha hoon main bhi pyaas se,
Par ye soch kar ki wo kissi aur ki hai,
Issiliye inkaar hai Unse...
Mohak...

Tanha hi Khush tha, Kyun ghula main duniya ke rang mein

Tanha hi Khush tha, Kyun ghula main duniya ke rang mein,
Rehta tha akela, kyun chalaa duniya ke sang main,
Bezaae ho raha hai Dil, ab kuch raas nahin aata mujhe,
Chahata hoon kahin chupp jaun, harr ek mehfill se,
kahin tanha duur, Viraane kissi saahil pe...
The Demon Prince...

Toot kar bhi khud hi muskuraata hai ye Dil

Toot kar bhi khud hi muskuraata hai ye Dil,
Ki root kar bhi khud hi manaata hai ye Dil,
Har Ghamko Akele hi sehta hai aise,
Ki apne hi aansuaon ko peeta hai ye Dil.

Kya kahun kissi se ki kitna kamzor hai ye Dil,
Pahunche chot kissiko toh rota hai ye Dil,
Duniya mein rehta hai bedardi ke aalam mein,
Yun apni buri pehchaan banaata hai ye Dil...
The Demon Prince...

Yaad aayi mujhe ek kahaani hai

Yaad aayi mujhe ek kahaani hai,
Beetein palon ki dhunn suhaani hai,
Chuuta jo saath, ab Dil ki Chot puraani hai,
Bas Muskaan uski, mere liye yaadon ki nishaani hai...
The Demon Prince...

Sajde kiye the khuda ko tere liye

Sajde kiye the khuda ko tere liye,
Roya tha duaon mein maine tere liye,
Mann machalta hai tujhe paane ko ab,
Dil bhi jalaaye rakha hai ae Mohabbat tere liye...
The Demon Prince...

Kyun lagti hai ye Zindagi Tanha

Kyun lagti hai ye Zindagi Tanha,
Har Khushi, Har Hansi Tanha,
Hai ibaadat kya meri Mohabbat siwa,
Hai Mohabbat kya meri koi bataa,
Har Aahat, har aawaaz bhi hai meri Tanha,
Sang apne rota bhi hai khud Dil Tanha...
The Demon Prince...

Ishq bhi najaane kya kya sitam dhata hai

Ishq bhi najaane kya kya sitam dhata hai,
Acche bhale insaan ko deewana bana deta hai,
Pal bhar ki khushi dekar chhod jata hai Ishq,
Aur Umr bhar dard ka paimaana pila deta hai...
The Demon Prince...

Jaane kyun chaahata hai Dil Tujhe

Jaane kyun chaahata hai Dil Tujhe,
Jaanta hoon na milegi Tu Mujhe,
Fir kyun taktaa hoon main teri raah ko,
Bas Tujhe hi chaahoon kyun ye Dil kahe...
The Demon Prince...

Dil ko kyun lagti hai tu, acchi bhalaa

Dil ko kyun lagti hai tu, acchi bhalaa,
Rota hai Dil soch kar, ki hogi judaa,
Tu chalegi raah apne tanha mujhko chodkar,
Main chalun gar raah kaanton, na dekhegi tu modkar,
Fir bhi chaahoon kyun bhalaa tujhko banane apni humsafar...
The Demon Prince...

Meri Chahaton ka koi sila na mila

Meri Chahaton ka koi sila na mila,
Apni tanhai ka kisse karun shikwe bhala,
Badnaseeb mohabbat ka maara hoon main,
Mere Dil ka bas aansuon ka hai silsila...
The Demon Prince...

Jane, Wo Kaun hai,

Jane, Wo Kaun hai,
Aai, dil ke kareeb hai,
Hui, Dil ko khushi si kyun,
Kya wo, meri naseeb hai..

Dekhun, toh tez dhadke hai dil,
Dil, kahan khoya hai dil,
Kya Tu, hai meri manzil,
Mann kahe aa mujhse mill..

Mill Kahin tanhai mein,
Saanson ki gehrai mein,
Aa sameintu baahon mein,
Leke tuhje panahon mein..

Ab, na kar bezaar yun,
Beshumaar main pyaar dun,
Tu kahe toh PYAAR main,
Saari ye duniya waarun..

Bas, mujhe tu kabul kar,
Main jo hoon, na duniya se darr,
Aa mere tu paas aa,
Ab na yun mujhko tadpa..
The Demon Prince...

Meri Khushi ki bas thi umr ek phool ki.

Meri Khushi ki bas thi umr ek phool ki,
Ek pal mein khilkar, murjha gayi,
Maut behtar hai mohabbat se mere liye,
Zindagi ne diye dhoke, aur maut wafa nibha gayi..
The Demon...

Let the Demon Live in the Dungeon Dark

Let the Demon Live in the Dungeon Dark,
Deep in the sea, among the killer sharks,
The Demon is burning in the hands of World,
Let live him alone to chill him cold,
Life's given him a bitter cake,
Filling the venom more than the snakes,
The fire within as volcanic force,
Will evolve brutally from the silence to hoarse..
The Demon..

Kambhakt mann hai jo sone nahin deta

Kambhakt mann hai jo sone nahin deta,
Toote dil ko rone nahin deta,
Beh gaye har armaan mere chahat ke,
Dil hai ki yaadon ko duur hone nahin deta..
The Demon wears the mask of Smile..

Koi toh hoti jisko apna keh sakta,

Koi toh hoti jisko apna keh sakta,
Koi jisse sapno mein bhi main takta,
Koi jo koi sirf mujhse lubhaye,
Ho gham mujhe toh mujhko hasaye,
Aise hi sapno mein reh gaya main atka,
Aur tanha hi duniya mein main yuhin bhatka..
The Demon..

Koi toh hota, jo sunta kahaani

Koi toh hota, jo sunta kahaani,
Apne iss toote Dil ki zubaani,
Dilne jo chaha, kuch bhi na paaya,
Zindagi mein kismat ne laayi viraani..

Kuch Pal hasakar, harpal rulaya,
Mujhko sabhi ne harpal sataya,
Kehta main kisko ye Dil ki kahani,
Ab aankhon mein bhi sooka hai paani..

Tanha hi tha main, Tanha hi hoon ab,
Tohfe mein diye the zakhmein mujhe sab,
Kisko sunaoon Dil ki kahani,
Haari si hai ab ye zindagani..

Jal Jal ke tanha rota raha hoon,
Khamosh rehkar sehta raha hoon,
Sach hai mera kya, koi na jaane,
Haskar hamesha chipata raha hoon..
The Demon Prince...

Tamannaon ki kashti ko sagar mein na utaro

Tamannaon ki kashti ko sagar mein na utaro,
Shakkar ki tarha paani mein ghul jayegi,
Samet lo inhe aur kar buland tu hausle,
Tab kashti bhanwar bhi paar kar jayegi..
Demon...

Sameta falak ne sitaron ko aanchal mein

Sameta falak ne sitaron ko aanchal mein,
Ki Falak se upar tujhe banaya,
Khuda ne tanha mujhe banakar,
Mere liye hi tujhe banaya..
The Demon Prince...

Har pal yaad uski sataati hai kyun?

Har pal yaad uski sataati hai kyun?
Har pal ussi ka khayaal laati hai kyun?
Chal diye chod ke tanha jane wale kahin aur,
Ab bhi uski baat rulaati hai kyun?
The Demon Prince...

Teri aawaaz kaanon ko nazam si hai

Teri aawaaz kaanon ko nazam si hai,
Teri hasi dil ko marham si hai,
Pal pal ye yaadein jalati hai Dil ko,
Pal pal ye yaadein rulati hai mujhko,
Ab bin tere bas andheron sa gham hai,
Aur bin tere ye zindagi khatam hai..
The Demon Prince...

Darr darr ke Dilne chaha tha tujhko

Darr darr ke Dilne chaha tha tujhko,
Ki darr ke haara zindagi main tujhko,
Kyun kaanton si yaadein Chubti hai Dilko,
Ab reh gaya kya, ki jeena hai mujhko..
The Demon Prince...

Tu hi meri zameen hai

Tu hi meri zameen hai,
Aur Tu hi meri aasmaan,
Tujh bin meri zindagi ki,
Nahin hai koi daastaan..
The Demon Prince...

Jaane kya dhoond raha hai ye Dil

Jaane kya dhoond raha hai ye Dil,
Kiski tasveer ankhon mein sajaaye baita hai ye Dil,
Takta hai raah Kiski, Kisko pukaar raha hai ye Dil,
Phoolon ki khusbu ko bhoolkar, kiski mehak ko mehsoos kar raha hai ye Dil,
Khoya sa rehta hai jaane kiske khayaalon mein,
Kiski talaash kar raha hai ye Dil,
Ae hawa, kahaan se laati hai khushboo ye Pyaar ki,
Ki hoti hai khushi, jaise phoolon ko bahar ki,
Khoya sa hai ye Dil, huwa hoon laapata,
Jaana tha kahin, ki bhatka hoon apni Manzil..
The Demon Prince..

Kitni ajeeb thi Mohabbat meri

Kitni ajeeb thi Mohabbat meri,
Ki kar baita hadd se zyada chahat teri,
Bin bataye tujhe, jala rakha tha diya tere naam ka,
Tu na thi bewafa, bas kasoor tha meri zubaan ka..
The Demon Prince..

Nachati hai duniya apne usoolon ke dhunn par

Nachati hai duniya apne usoolon ke dhunn par,
Ki lauti hai sadaa mohabbat ki goonj kar,
Kehte hain mohabbat hi ibadat hai fariston ki,
Par ladte hain log mazhab ke junoon par..
The Demon Prince..

Badnaseebon ke liye nahin hoti hai mohabbat

Badnaseebon ke liye nahin hoti hai mohabbat,
Kuch hi Dilwalon ke liye likhi hui hai ye Chahat,
Khuda ne khud chune honge inn Ishq ke fariston ko,
Ki khud Khuda hi batlata hoga Ishq ki Ibadat..
The Demon Prince..

Har ek ki takdeer likhi hai khuda ne kuch aisi

Har ek ki takdeer likhi hai khuda ne kuch aisi,
Ki hotein hai gham ke aansun aur kuch aansuon mein bhi khushi,
Na Ummeed na ho apne muqaddar se khuda ke liye,
Ki aayegi chandini bhi tere liye, bhale ho raat kitni gehri..
The Demon Prince..

The waves of change are calling me

The waves of change are calling me,
To make my way and set me Free,
I may leave behind all my days,
Come do something, the victory says..

The goal is too distant, my heart says so,
I may loose something, but mind says grow,
My laziness is killing my dream,
Change, be something, my heart does scream,
Work, work, the hard work pays,
Come do something, the victory says..
The Demon Prince..

Ek nayi subah ka intezaar hai

Ek nayi subah ka intezaar hai,
Jaise naya mausam jo bahaar hai,
Honge jahaan phool aur titliyaan,
Behta hai saaf nadiyon ka paani,
Par jaane kin boondon ki pyaas hai,
Jaane kiski talaash hai..
The Demon Prince..

Haal apna kya sunaye, Lut gaya mera Dil jo hai

Haal apna kya sunaye, Lut gaya mera Dil jo hai,
Wo lutere chal diye, ab zindagi mushkil mein hai,
Dhoondne nikla tha ghar se, Main andhere raat mein,
Kho gaya main aaj usme, Baaton hi baat mein,
Fir Qayamat sar pe hai, Jalne laga hai mann mera,
Phoolon ki khusboo na bhaati, ab mazaa toh chuban mein hai..
The Demon Prince..

Kitni bebas si hai ye Zindagi

Kitni bebas si hai ye Zindagi,
Ki rooti hai Humse har khushi,
Jalta hoon main ab aag mein,
Gham ke andhere raat mein..

Anjaan har ek raah par,
Firta raha hoon dar ba dar,
Viraane se is sehar mein,
Zinda hoon jaise koi jaanwar..

Koi nahi sunta mujhe,
Behre hue hain sab idhar,
Goonga hoon main bhi aaj idhar,
Jaanu na main jaun kidhar..
The Demon Prince..

Milkar bhi na milna judai ka hissa hai

Milkar bhi na milna judai ka hissa hai,
Anjaan bankar jo nibhaya, jaane kaisa rishta hai,
Chuti hai dor meri chahat ki, adhuri si hai harr khushi,
Jaane tune kya likha tha dil ke kagaz par,
Ab poora na ho sake, aisa adhura kissa hai..
The Demon Prince..

Bhatki hui kashtiyon ko raah dikhlata raha

Bhatki hui kashtiyon ko raah dikhlata raha,
Kuch pahunch gaye kinare par, Kuch ka sahara na raha,
Khud bhatka hoon main aaj aur doobne chali hai kashti meri,
Ek kashti ko ubharne ke liye apni kashti ko dubone chalaa...
The Demon Prince...

Everybody will someday need a shoulder to cry

Everybody will someday need a shoulder to cry,
No one has the patience and time to lend for the crying one...
The Demon Prince...

Aaj karta hoon main khulke ikraar

Aaj karta hoon main khulke ikraar,
Ek shehzadi pe ho gaya ye Dil nisaar,
Jo dil tha beparwaa kissike liye kabhi,
Aaj iss Dil pe hua hai Chaahat ka waar...
The Demon Prince...

When will you be Mine

When will you be mine,
The wait is against the time..

Searching for you in sands,
As to quench my thirst in dry lands..

Come to me, overcome your Fear,
Let me care and Love you my Dear..
The Demon Prince..

Takti hai aankhen ab, tere deedar ko

Takti hai aankhen ab, tere deedar ko,
Chaahata nahin hai dil, aur intezaar ko,
Uljha hai ab ye mann, tere khayalon mein,
Khoya sa rehta hoon, tere hi Pyaar mein...
The Demon Prince..

Bin sharaab ke chadaa hai nashaa kii behkaa hoon aaj raahon se

Bin sharaab ke chadaa hai nashaa kii behkaa hoon aaj raahon se,
Kii piiyaa bhii hai jo pyaalaa mohabbat kaa terii niigaahon se...
The Demon...

Reh Reh ke Tanhai Mein Ro Liya Maine

Reh Reh ke Tanhai Mein Ro Liya Maine,
Apne behte aansuon ke sang so liya maine,

Kisse poochun dil ki bimaari ka ilaaj,
Koi nahin sunta apni taklief ki fariyaad,

Har koi faryaadi hai iss jahaan mein,
Aur hum akele hain ki sunte har zubaan se...
The Demon...

Ek Shehzaadi iss naacheez se pyaar kar baiti

Ek Shehzaadi iss naacheez se pyaar kar baiti,
Soche bina hi izhaar kar baiti,
Ab kashmakash hai iss dil pe ki kar dun main haan ya naa,
Darr lag raha hai todne Dil uss pariyon ki shehzadi ka,
Jo iss pattar pe apna dil nisaar kar baiti...
The Demon...

The Demon weeps in the night dark,

The Demon weeps in the night dark,
Drying Tears from his eyes till heart,
Left alone in this human world,
Injured brutally by the deceiveing sword...
The Demon...

Kyun aahat se uske

Kyun aahat se uske,
Khush ho jata hoon main,
Kyun paigaam se uske,
Muskurata hoon main,
Kyun yaadon mein uske,
Gungunata hoon main,
Kyun yun tanha sa ab,
Reh leta hoon main.

Kyun harpal hi usko,
Sochleta hoon main,
Chalte Chalte hi raaste,
Bhooljata hoon main,
Mann hi mann mein uski,
baat karta hoon main,
Kyun Inn lehron mein uske,
behta hoon main..
Mohak..